إزاى نعمل البيرة فى البيت ؟ (4) الظروف المناسبة – أيمن غالى
عنوان الموضوع: إزاي نعمل البيرة في البيت ؟ (4)
اسم الكاتب-ة: أيمن غالى
:البريد الالكتروني
[email protected]
نص الموضوع:
تلخيص ومراجعة سريعة على طريقة صناعة البيرة منزلياً ومفهوم الظروف المناسبة للتفاعل (التخمير) وتحسين طعم البيرة الناتجة
معادلة التخمير Fermentation Equation
مادة نشوية Starch أو سكرية Saccharides (ح*بو-ب/فاكهة/خضروات/زهور) في ماية Water + خميرة Yeast (فى ظروف مناسبة Suitable conditions ومعزولة عن الهوا) ——-> كح-و*ل Ethyle Alcohol (دايب فى الماية Soluble in water) + غاز ثانى اكسيد الكربون Carbon Di Oxide gas (بيتصاعد)
الخميرة دى عبارة عن إيه ونجيبها منين ؟
الخميرة دى خمائر وبتبقى موجودة فى قشور الفواكه والح*بو-ب وعلى سطح الخضار والزهور بصورة طبيعية؛ يعنى مش محتاجين نشتريها ولا نضيفها.
يعنى ايه ظروف مناسبة ؟
يعنى أفضل درجة حرارة وحاجات تانية كتيرة مش حا تفرق معانا كتير والمهم درجة الحرارة.
كده كده التفاعل حا يشتغل فى اى درجة حرارة وحا نلاقى معدل التفاعل بيزيد فى الصيف اكتر من الشتا؛ حسب درجات الحرارة المناسبة لنشاط الخمائر واللي انسبها من 30-35 درجة مئوية (يعنى مكان دافى مش سوخن).
وضرورى يكون الإناء معزول عن الهوا؛ يعنى اناء مغلق مش مفتوح وكل كام ساعة نفتح ونقفل على طول لتسريب الغاز وإلا العبوة حا تفرقع (تنفجر).
المقادير:
100 جم شعير ونستنبتهم Hydroponic Barley وبعدين نحطهم فى ازازة بلاستيك 2 لتر ونضيف عليها كوبايتين ماية (400 مل) .. نضغط على جانبي الازازة (نفعصها) لتفريغها من اكبر كمية من الهوا، ونقفلها كويس وهى مفعوصة.
تاني يوم حا نلاقى الازازة منفوخة؛ نفتح الغطا ببطء؛ حا نسمع صوت خروج الغاز (فسسسسسسس)؛ نسيبها على كده يوم او اتنين كمان؛ البيرة كده اتكونت.
ممكن اضافة سكر بعد تصفية المحلول حسب الرغبة.
وممكن إضافة منقوع حشيشة الدينار Dinar grass Extract للمحلول؛ حا تضيف له طعم وتأثير مهدئ وإسترخاء للجهاز العصبى.
يتبع
المقال باللغة المصرية الحديثة من سلسلة مقالات تحت عناوين وهاشتاجات:
#تبسيط_العلوم
#حصة_كيميا
#تمصير_العلوم
الآراء الواردة في هذا المقال هي آراء الكاتب فقط، ولا تعكس آراء الموقع. الموقع غير مسؤول على المعلومات الواردة في هذا المقال.
