إزاي نعمل البيرة في البيت ؟ (3) – أيمن غالى
شوفنا فى الحلقة إللى فاتت طريقة عمل البيرة*، وهى ببساطة تخمير لح*بو-ب الشعير المستنبتة Hydroponic Barley وبدون إضافة أى حاجة تانية ولا خماير ولا غيره ..
طيب إيه حكاية حشيشة الدينار Dinar grass إللى بنسمع عنها فى طريقة عمل البيرة ؟
دى إضافة بتدى طعم وبيخرج منها خلاصة العشبة Dinar grass Extract إللى لها تأثير الإنتعاش للجهاز العصبى وتهدئته.
طيب والبيرة بدون حشيشة الدينار مالهاش تأثير الإنتعاش للجهاز العصبى وما بتهدّيهوش ؟
طبعا لها تأثيرها القوى وحشيشة الدينار بتزوده شوية وممكن الإستغناء عنها.
طيب ليه بأستعمل مستنبت الشعير مش الشعير نفسه ؟
ممكن طبعا إستعمال الشعير بدون إستنبات بس ده حا ياخد وقت أطول من المستنبت والمستنبت حا يدينا نتيجة أفضل وأسرع وبإستخدام كمية أقل من الشعير.
نشوف دور المستنبت
الخماير Yeasts بصفة عامة؛ كَسولة وبتفضَّل أكل السكريات البسيطة (الأحادية والثنائية) أكتر من العديدة وإللي اتكلمنا عنهم في الحلقتين إللي فاتوا.
عملية الإستنبات بتنَشَّط إنزيمات هضم Enzymes تشبه انزيمات الهضم اللي في أجسامنا, ودي بتِهضِم النشويات Starch وإللى هى عبارة عن سلسلة طويلة من سكر الجلوكوز وبتكسره لسكريات احادية (جلوكوز) يِسَهِّل للخمائر Yeasts انها تاكله وتنتج الكح-و*ل.
الحلقات إللي جاية حا نجاوب علي كام سؤال مهم منها:
هل ممكن ازوِّد نسبة الكح-و*ل ؟
الناس إللي بتعمل الساكو والفودكا؛ بيعملوها بنفس فكرة البيرة ؟
هل اقدر اعرف نسبة الكح-و*ل حا تبقى كام لأى شئ بأعمل له تخمير ؟
واسئلة اخرى حسب تساؤلاتكم يتبع
يتبع
*ضروري متابعة الحلقتين السابقتين قبل قراءة هذه الحلقة من سلسلة “إزاي نعمل البيرة فى البيت؟”
المقال من سلسلة مقالات تحت عناوين وهاشتاجات:
#تبسيط_العلوم
#حصة_كيميا
#تمصير_العلوم
الآراء الواردة في هذا المقال هي آراء الكاتب فقط، ولا تعكس آراء الموقع. الموقع غير مسؤول على المعلومات الواردة في هذا المقال.
