شنو هي حاله الصفاء قبل الموت؟ هي حاله يصير بها تحسن مفاجئ بالوعي والادراك عند مريض ميؤوس من حالته يعني واحد مثلا عنده خرف متقدم مثل الزهايمر او كان بغيبوبه او حتى عنده سرطان بالدماغ وفجاه يفتح عيونه ويعرف اهله يضحك ويحكي وياهم ويمكن حتى يطلب اكل او يسال عن شخص معين او يوصي وصيه معينه وبعدها بساعات او يوم يتوفى هاي الحاله هي مو شيء جديد انذكرت حتى قبل مئات السنين واطباء وناس هوايه شاهدوها لكن لحد اليوم العلم بعده يحاول يفهم ليش تصير بالاساس هذه الحاله خلينا نعرف بالبدايه منو اللي يصير عنده هاي الحاله واللي هي الصفاء قبل الموت اكثر واغلب الناس اللي تصير عندهم هاي الحاله هم مرضى الزهايمر او الخرف الشديد الناس ايضا اللي بحاله غيبوبه او اللي عندهم اورام دماغيه معينه معينه او حتى بعض مرضى الامراض النفسيه المزمنه يعني ناس قضوا شهور او سنين ما يميزون الوجوه او ما يحكون وفجاه يقدرون يحكون طبيعي او يكونون مريضين جدا فجاه يرجعون مثل ما كانوا قبل المرض ولو لفتره قصيره جدا
