السلام عليكم ورحمه الله وبركاته. اليوم الثلاثاء الموافق 3/6/2025 الساعه 6 ون:30 مساء على الاغلب انه هذا راح يكون الفيديو الاخير اللي بنصوره من جوا البيت عننا. انا دكتوره اماني عوده من سكان حي البستان. انا وعائلتي في عننا قرار لهدم البيت واليوم شرطه الاحتلال الاس*رائ*يليه كانت متواجده عننا في البيت وبلغتنا انه بكره رح يكون يوم الهدم المنتظر وطبعا خلال الاسبوع تكررت زياراتهم اكثر من مره وكانوا في كل مره بخيرونا خيار الهدم الذاتي ونحن في كل مره كنا بناجل الخيار و نحكي انه نحن ما بدنا نهد ذاتيا وفي نفس الوقت نحن صامدين في بيتنا ما اخليناه ما فضيناه ولا تركنا البيت للاي لحظه ايه بكره اي لا سمح الله في حاله نزول قوات الاحتلال رح يستمر ايه ال السيناريو اللي عم بيشتغلوا فيها بلديه القدس في هدم منازل السكان الموجودين في حي البستان نحن بنحكي عن 150 بيت 1500 نسمه من نهايه العام اللي فات 2024 خلينا نحكي من شهر 11 لليوم تمكنوا من هدم خمس الحي لادراكهم بانه قضايا هدم البيوت بطلت لها اولويه عند الناس والانظار كلها اليوم متوجهه باتجاه مكان ثاني اي نحن اليوم بنودع ذكرياتنا في هذا البيت صحيح ولكن نحن بنعرف انه ما في شيء رح يمنعنا من التمسك في حقنا كفلسطينيين موجودين في القدس من انه يكون في عننا ملاذ امن وبيت امن ويكون في عننا حق في التواجد جد في اراضينا الفلسطينيه وكمان نحن اليوم بناشد الكل اللي عمل حمله ضغط ومناصره قويه لقضايا اهالي البستان لانه قضيه البستان لا تخص البستان وحدهم ما كنت بحكي انه قضيه البستان لا تخص اهالي البستان لوحدهم وانما تخص كل شريف وواعي لقضيه اييه للقضيه المقدسيه وقادر انه يفهم انه اليوم مصادره اراضي حي البستان تعني تغيير الخارطه الجغرافيه لمدينه مدينه القدس بشكل كامل اليوم اي نحن متواجدين في البيت وانا برحب باي حدا حابب انه يجي وينضم لنا حتى نحكي لبلديه الاحتلال انه نحن رافضين لسياداسات الهدم والتهجير اللي تمارس ضد السكان وبتمنى عن جد انه نحن اي نكون مقتنعين وعارفين انه هذا حقنا الطبيعي في انه نحن نحكي لا وانه نحن ندافع عن حقنا ونحن ما بنعمل شيء ضد القانون بالعكس القانون بيضمن لنا حقنا في ان احنا نعترض على المخططات اللي بتحاول البلديه انها تفرضها علينا ونعترض على اي نوع من انواع التهجير القصري اللي عم يمارس ضد السكان العرب في في القدس اي بانتظاركم حتى نوقف مع بعض يمكن كمان تكون اخر مره بنلتقي فيها في حوالين بيتنا في البستان ولكن البيت دائما مفتوح وبيرحب بكل الاصدقاء اللي حابين انهم يجوا و وحتى يعني نحن ما فضينا اي شيء من الاغراض اللي موجوده في البيت فلو اي حدا حاسس انه هو ممكن يستفيد من الاغراض هي اللي رح ينهدم عليها باي حاله بكره اي من البيت نحن بنرحب فيه انه ياخذ اللي بده اياه واهلا وسهلا فيكم وبنستناكم وان شاء الله ايد في ايد نقدر عن جد نغير ونبدل من هالواقع الاليم اللي بيعيشه كل اهالي القدس مش اهالي حي البستان لحالهم Yeah.
