اليوم حلقه جديده من برنامج بايوتك راح نتطرق وياكم لمواضيع طبيه صحيه نفسيه وحتى رياضيه تابعونا ببرنامج بايوتك وياي اني دكتوره فرح الخياط اليوم موضوعنا يهم الكل خصوصا المراهقين والشباب خصوصا اللي حياتهم مليانه ضغط دراسي اجتماعي وشغل موضوعنا عن اضطرابات النوم هوايه ناس يعتقدون ان النوم مجرد راحه لكن بالحقيقه النوم الصحي هو اساس للطاقه لتركيز المزاج وحتى الصحه الجسديه على المدى الطويل اول نقطه لازم نعرفها انه جسم الانسان يحتاج حتاج الى نوم منتظم كل ليله وعدد الساعات يختلف حسب العمر المراهق يحتاج تقريبا من ثمانيه الى 10 ساعات اما الشباب يحتاجون من سبعه الى تسع ساعات لكن اغلبنا ما يوصل لهذا الرقم ليش؟ لانه بسبب الاجهزه الالكترونيه السهر على الدراسه وحتى اوقات غير منتظمه للنوم خلونا نحكي عن ابرز انواع اضطرابات النوم واللي اكيد كلنا نعرفه بالبدايه الارق او اللي يعرف بالانصامنيه صعوبه النوم النوم او الاستمرار بالنوم. السبب هو اكيد توتر، قلق، امتحانات، استخدام الهاتف قبل النوم او حتى استهلاك الكافيين بالليل. الاثر راح يكون تعب يومي، قله تركيز، صداع، تغيير مزاج وحتى ضعف بالتحصيلات الدراسيه. اما النوع الثاني فهو النوم المفرط واللي يعرف بالهايبرسومنيه. المراهق ينام بشكل كلش كبير حتى بعد نوم ليلي طويل. السبب هو ساعات نوم غير منتظمه، مشاكل صحيه مثل فقر الدم، غده درقيه. وغيرها من الامور اللي تؤدي الى صعوبه تركيز كسل ومشاكل بالروتين اليومي اما ثالثا فهي الكوابيس النوم العاطفي فهذا منتشر عند المراهقين اللي يمرون بضغوط كبيره كوابيس متكرره راح تتسبب بخوف من النوم استيقاظ متكرر وتاثير التركيز بالنهار اما الشخير او توقف النفس واللي يعرف بالسليب امنيا اثناء النوم هو اكثر شيوع عند الاشخاص اللي يعانون من زياده وزن هذا النوع هو خطير لانه يقلل نسبه الاكسجين بالدم وياثر على القلب والدماغ زين شلون نعرف اذا عندنا مشكله بالنوم نعاني من تعب مستمر رغم نوم الليل صعوبه التركيز والدراسه عصبيه او تقلب بالمزاج صداع متكرر نوم متقطع او استيقاظ كثير بالليل احيانا نعاني ايضا من خمول شديد بوقت النهار اذا لاحظت هذه العلامات بشكل مستمر معناها الجسم بده يطلب تدخل ونظام نوم جديد زين شنو هي اسباب اضطرابات النوم بالبدايه مثل ما قلنا الضغط النفسي والعاطفي يعني امتحانات مشاكل شخصيه علاقات اجتماعيه وغيرها من الامور اما السبب الثاني فهو استخدام الاجهزه قبل النوم الموبايل اللاب توب او الالعاب الضوء الازرق يقلل من افراز هرمون الميلاتونين اللي بالتالي يخربط النوم اما العادات الخاطئه بالنوم فهي النوم باوقات مختلفه يوميا النوم بعد الظهر لفترات طويله او سهر مستمر الماكولات والمشروبات مثل الكافيين مشروبات الطاقه اكل ثقيل قبل النوم وغيرها من المشاكل الصحيه مثل فقر الدم الغده الدرقيه القلق والاكتئاب وغيرها من الاشياء شلون نصلح مشاكل النوم بالبدايه تنظيم الروتين النوم والاستيقاظ بنفس الوقت بشكل يومي حتى بالويكند ما نسهر ونحاول نحدد وقت ثابت للنوم ونستيقظ بنفس الوقت التحكم بالبيئه غرفه هادئه مظلمه درجه حراره مناسبه وسرير مخصص للنوم مو للاكل او الدراسه ايضا التقليل من الضوءات بالاضاءه واكيد لازم ما ننسى تقليل استخدام الاجهزه اخر ساعه قبل النوم لازم نبتعد عن الموبايل والشاشات واذا كان لازم نستخدم فنستخدم وضع الضوء اللي يقلل اللي هو الضوء الازرق لازم ما ننسى التغذيه لا تاخذ كافيين بعد العصر تجنب اكل ثقيل قبل النوم بساعتين كثروا من الفواكه والخضروات وكميات المي الكافيه اللي تساعدكم على النوم الطبيعي راح نسولف اليوم على موضوع كلش مهم اللي هو العمر الزمن وتاثيره على جسم الانسان هوايه مرضى يجوني يقول لي انا صار عمري 30 سنه كبرت او صار عمري 40 سنه وكبرت او صار عمري 50 سنه وكبرت لا انت ما كبرت ال 40 وال 50 وحتى ال 60 سنه هاي اعمار مو اعمار كبار السن لكن المشكله انه انت تسيء معامله جسمك فراح نحكي هسه اول شيء على تاثير العمر على جسم الانسان وشلون انت تمنع هالتاثير يصير او تقلله انت ما تمنع لكن تقلله اللي يصير انه انت مع تقادم عمرك اللي يصير عندك انه اولا عمليه الشفاء تصير ابطا تعامل جسمك مع المدخلات الخارجيه من ضغط من تعب من اكل يتغير غير عن عمر الشباب المبكر اللي هو العشرينات زين فتشوف ابو العشرينات ايش ما ياكل ما يسمن مثلا او يشتغل ويتعب ويروح يلعب رياضه ثاني يوم هو مضبوط ما ب اي شيء لا عنده الام ولا شيء بينما تشوف اللي اكبر منه بالعمر لا الموضوع مختلف عنده المساله وما بيه انه اولا انت جسمك تعامله ويا المدخلات الخارجيه مثل ما قلنا مختلف يعني التعافي ابطا بعد الرياضه تعامله ويا السكان كريات والنشويات وعمليه التعامل معها اخذ وافراز تختلف زين وهذا طبعا راح ياثر على كل عضلاتك وعلى كل مفاصللك وعلى كل عظامك فاحنا مع تقادم العمر هرموناتنا تتغير ايضا تغير الهرمونات هذا يغير تعامل عضلاتك ومفاك مع مدخلات الخارجيه فاللي يصير هنان انه انت على مود تغير او تمنع او تقلل من تاثير هاي الاشياء اولا اسلوب الحياه الصحي يعني ما تاخذ راحتك بالاكل ثلاث وجبات ما تكون وجبات كبيره وتكون وجبات متوازنه صحيه تقلل الاكل برا وهاي نقطه كلش مهمه لان الاكل البره مو بجوده اكل البيت دا انه انت بالبيت تقدر تسيطر على كميه الدهون على كميه السكريات والنشويات بهذا الاكل وعلى كميه البروتينات اللي به فاولا التزم باكل البيت واسيطر عليه لان مو معناها انه انا اكل بيت فاكل الدورمه والبااتشه والشغلات الثقيله والدهينه لا اباوع الدهون شنو دا استعملها بهذا الاكل كميتها التمن مثلا احنا كلنا كشعب نحب التمن لكن ممكن انه تاكل هذا التمن بدون دهن او بدهن قليل وهم اللي يسموه بالطبخ الدهني الممزول مجموعه تغييرات بسيطه بالاكل الاعتماد على اكل البيت وطريقه طبخه والتحكم بها راح يغير هوايه من تعامل جسمك مع هذا الاكل لان جسمك كل ما تنطيه اكل صحي مثل ما السياره كل ما تعطيها بنزين نظيف المحرك مالته راح يكون زين نفس الشيء اكلك الصحي راح ياثر على تعامل جسمك ويا هذا الاكل وراح ياثر على طريقه افراز الهرمونات به والهرمونات كل ما تكون طريقه الافراز مالتها زينه وصحيحه انت جسمك راح يكون صحي اكثر ثانيا كل ما نكبر احنا نتخيل انه احنا كبرنا لازم نقعد ونرتاح لا لازم تستعم جسمك لان جسم الانسان مصمم للاستخدام يعني بدل ما انت قاعد على طول لازم تخصص وقت على الاقل اقل بالليل للمشي مثلا خلصت دوامك وشغلك واكلت اطلع تمشالي نص ساعه احصل ال 10000 خطوه مالتي اللي هسه كل الموبايلات بها مساله الحساب هاي الحركه وحدها راح تحفز الجهاز التنفسي راح تحفز القلب وبالتالي تحفز افراز الهرمونات الجيده وبالتالي مقاومه ومطاوله عضلاتك ومفاصلك احسن ثانيا مفاصلنا هي اصلا مصممه انه تزيت عن طريق الحركه ضروري جدا انه نخصص وقت معين للرياضه وخصوصا رياضه المقاومه اللي هي بالاوزان وايضا بالطريقه الصحيحه تصير عندنا اصابات هذا نفسه راح يخلي تعامل الجسم ويا الاكل وتعامله ويا مسائل افراز الهرمونات يتغير نحو جهه الشباب فتاكل صح تشتغل على جسمك تمرنه تمشي على مود تحفز الجهاز التنفسي وجهاز الدوران وبالتالي تحفز افراز الهرمونات صحيح وبالاضافه لهذا تتجنب الاعمال الشاقه اللي انت مو مهيا لها وهاي ايضا ضروريه وهاي تسبب الكثير من الانزلاقات واصابات الركبه انت بحياتك مشايل اوزان ثقيله تجي تساعد جماعتك وتشيل وياهم شيء ثقيل والنتيجه راح يصير عندك اصابه يعني لازم تعرف حدودك وبنفس الوقت لازم تستعمل جزمك وتهيئه للاعمال الصعبه والشاقه اليوم موضوعنا يهم الكل خصوصا الناس اللي يشتغلون برا البيت يمارسون رياضه بالنهار او يسافرون خلال الصيف موضوعنا عن حساسيه الجلد تجاه الشمس واللي يسموها طبيا بالفوتوودماتايتس هوايه ناس يعتقدون انه اي طفح او احمرار او حكه بعد الشمس هو امر طبيعي لكن بالحقيقه بعض الحالات تكون حساسيه فعليه واذا ما نتعامل وياها بشكل صحيح ممكن تتسبب لنا بمضاعفات او مشاكل مستمره فاول شيء لازم نعرفه جسمنا عنده اليات طبيعيه تحمي الجلد من الشمس صبغه الميلانين سماكه الجلد جي والطبيعيه لكن عند بعض الناس هاي الاليات ما تكفي او تتاثر باشياء ثانيه فتجي هنان حساسيه الجلد زين شنو هي اعراض حساسيه الشمس؟ احمرار الجلد بعد التعرض لاشات الشمس حتى لو لفتره قصيره حكه شديده حرقه ظهور بثور صغيره او ح*بو-ب مرتبه على مناطق مكشوفه مثل الايدين الرقبه احيانا تورن بسيط والاعراف تظهر عاده خلال ساعات قليله بعد التعرض للشمس وتزول تدريجيا لكن ممكن تعود اذا تعرض الشخص للشمس مره ثانيه بدون حمايه. هذه الاعراض تختلف عن حروق الشمس العاديه لانه الحروق تظهر بعد ساعات او يوم كامل اما الحساسيه تبدا اسرع وغالبا ترافقها حكه قويه شنو اسباب حساسيه الشمس عند الناس بالبدايه عوامل وراثيه بعض الناس عندهم استعداد طبيعي حتى بدون مرض ايضا الادويه مثل بعض مضادات ح*بو-ب مناع الحمل مضادات حيويه او ادويه جلديه تزين من حساسيه الجلد ايضا منتجات جلديه مثل العطور او الكريمات اللي تحتوي على مكونات تزيد من تفاعل الجلد مع الشمس ما ننسى امراض الجلديه مثل المناعيه مثل الذئبه الحمراء اللي تزيد من التحسس الاشعه فوق البنفسجيه زين شنو هي مناطق الجلد الاكثر تاثرا اكيد بالبدايه الوجه خصوصا الخدين والجبهه الايدين الرقبه واحيانا الذراعين والساقين اذا كانت مكشوفه زين شلون نقدر نوقل نفسنا بالبدايه الملابس ارتداء ملابس قطنيه خفيفه تغطي اكبر مساحه ممكنه قباعات واسعه نظارات شمسيه واقي شمس واستخدام واقي يكون نسبه الحمايه اكثر من 30 حتى بالشتاء وتكرار وضعك كل ساعتين اذا تتعرق او تغسل تجنب التعرض الطويل المباشر لاشعه الشمس ونبتعد عن المنتجات المهيجه مثل العطور الكريمات اللي تزيد من التحسس دائما اختاروا منتجات مخصصه للبشره الحساسه اكيد ما ننسى المي والترطيب شرب المي الكافي حتى نحافظ على رطوبه الجلد ونستخدم كريم مرطب بعد التعرض للشمس اما العلاج عند ظهور الحساسيه فهي كمادات بارده تساعد على تهدئه الجلد وتخفيف الحكه كريمات مرطبه او مضاده للحكه مثل الكريمات اللي تحتوي على الكورتيزون الخفيف لكن تحت اشراف طبي اذا الحاله كانت شديده ايضا ادويه مضاده للحساسيه مثل الانتيستامين اللي تستخدم اذا كانت الحكه قويه او الانتفاخ كان ملحوظ تجنب التعرض للشمس حتى تمام الشفاء حتلع الاعراض خفت لانه اي تعرض جديد ممكن يرجع الحساسيه. موضوعنا اليوم يهم كل امراه ومراهقه لانه فقر الدم الناتج عن نقص الحديد هو واحد من اكثر المشاكل الصحيه اللي تصير عند النساء وغالبا ما ينتبهون لها الا لما يصير تعب شديد او دوخه متكرره. اول شيء لازم نعرفه شنو يعني نقص الحديد وفقر الدم؟ الحديد هو معدن اساسي داخل الجسم موجود بالدم وظيفته هي نقل الاكسجين من الرئه الى كل خلايا الجسم اذا نقص الحديد الدم ما يقدر ينقل الاكسجين بكفاءه ويصير الجسم يحس بالتعب بسرعه ضعف العضلات وبطء التركيز زين شنو هي اعراض فقر الدم الناتج عن نقص الحديد اول شيء راح تنتبه عليه هو تعب شديد حتى بعد نوم كافي دوخه شعور بالدوار خصوصا عند الوقوف بسرعه شحوب البشره او شحوب الشفه تساقط بالشعر يكون مو طبيعي ضعف بالاظافر او تكسرها بروده الايدين والقدمين وصداع متكرر احيانا ايضا يصاحبها خفقان بالقلب او ضيق نفس مع اقل مجهود هذه العلامات ممكن تظهر بشكل تدريجي وبعض النساء يتعودون عليها ويحسبوها تعب طبيعي لكن بالحقيقه الجسم يحاول يحذرنا منها واكيد اهم الاسباب واكثرها شيوعا عند النساء هي فقدان الدم الدوري او الدوره الشهريه الغذيره اللي هي تكون سبب اساسي لنقص الحديد اكيد الحمل والرضاعه فالجسم يحتاج الى كميه اكبر من الحديد لبناء الدم للجنين وحتى ينتج حليب وما ننسى نقص الحديد الغذائي لانه اكل قليل باللحوم او الخضروات الغنيه بالحديد او نمط حياه غذائي غير متوازن مشاكل امتصاص الحديد انه بعض الحالات عندهم مرض بالامعاء يمنع امتصاص الحديد بشكل جيد اما خامسا فهي اسباب وراثيه او امراض مزمنه تسبب نقص الحديد شلون نتاكد انه المراه عندها نقص حديد الاتش بي او تحليل الهيموجلوبين اللي هو التحليل الاساسي ثاني تحليل اللي هو الثريتين يعتبر تحليل اضافي لمعرفه مخزون الحديد بالجسم ممكن نحتاج انه نعرف الام سي في او تحليل حجم خلايا الدم الحمراء الفحص جدا جدا سهل واحيانا امراه تكتشف نقص الحديد قبل ما يصير صير فقر الدم الكامل وبالتالي نحتاج الى علاج اقل اما العلاج والتعويض عن الحديد فيتم عن طريق الاطعمه الغنيه بالحديد اللحوم الحمراء الاسماك العدس والفاصوليا السبيناغ والخضروات الورقيه المكسرات والح*بو-ب الكامله ايضا تناول مكملات الحديد مثل الايرون تابلتس بس لازم اكيد تحت اشراف طبي لانه الجرعه تختلف حسب نقص الحديد وشده الحاله ويفضل اخذها مع الفيتامين سي لتحسين الامتصاص مثل عصير البرتقال واكيد نتجنب ناخذها مع القهوه او الشاي لانه راح يقللون من الامتصاص واكيد لازم نسوي متابعه للتحاليل بعد اثنين الى ثلاث اشهر من العلاج عيد الفحوص حتى نتاكد من انه الحديد ارتفع والمخزون بدا يتعافى وحتى نوقي نفسنا نراقب الدوره الشهريه اذا كانت غزيره ونراجع الطبيب اذا استمرت نهتم بالتغذيه اليوميه المتوازنه خصوصا بالحمل والرضاعه ما نتجاهل التعب المستمر والدوخه لان غال غالبا هي علامه من علامات نقص الحديد. موضوعنا اليوم يهم المراهقين والشباب خصوصا اللي يعانون من مشاكل هضميه متكرره. اليوم رح نحكي عن متلازمه القولون العصبي بس خصيصا بالمراهقين والشباب اللي غالبا تكون مو مفهومه بشكل صحيح. بالبدايه كلنا نعرف انه القولون العصبي هو اضطراب وظيفي بالامعاء. يعني الامعاء نفسها تكون سليمه بس طريقه عملها تكون مضطربه. فتتسبب باعراض مزعجه تاثر على الحياه اليوميه والدراسه وحتى النشاط الاجتماعي اما اعراضها فتكون عاده الم بالبطن متكرر غالبا يكون اسفل البطن ويتحسن بعد الاخراج او يتحرك حسب الحاله تغيير بالعادات مثل الامساك والاسهال بالتنوب انتفاخ البطن والغازات شعور بعدم تفريغ الامعاء بشكل كامل بعد الاخراج واحيانا يصاحبها غثيان او فقدان شهيه تعب صعوبه تركيز بسبب الالام المستمره هذه الاعراض غالبا تتفاقم بعد التوتر النفسي او بعد تناول بعض الاطعمه المعينه زين شنو هي اسباب متلازمه القولون العصبي بهذه الفئه العمريه بالبدايه حساسيه الامعاء للضغط النفسي التوتر راح يزيد من حركه الامعاء او يبطئها عادات غذائيه سيئه مثل اكل سريع دهون هوايه اطعمه غنيه بالسكر او تكون حاره وبهارات كثيره مشاكل بالهضم لانه بعض الاشخاص عندهم صعوبه هضم خاصه للاكتوز والجلوتين اما العوامل الوراثيه فهي اذا كان احد من العائله عنده قولون عصبي اكيد راح تزيد فرصه الاصابه عند الاطفال والمراهقين اكيد اختلال التوازن البكتيري بالامعاء لان هذا الموضوع يلعب دور جدا مهم زين شنو يفرق القولون العصبيه عن امراض الامعاء الثانيه القولون العصبي هو موتهاب حقيقي ولا سرطان الفحوصات كلها راح تكون طبيعيه بس الاعراض ض راح تكون مزمنه ومتكرره الالمن غالبا يخف بعد الاخراج او مع الراحه الاعراض تكون مرتبطه بالعوامل النفسيه بشكل كبير وبالطعام ايضا زين شلون نخفف من هاي الاعراض بالبدايه التغذيه السليمه يعني نتجنب الاطعمه المسببه للغازات اللي هي بقوليات زايده اطعمه دهنيه مشروبات غازيه اكل وجبات صغيره منتظمه بشكل يومي نشرب مي بكميات كافيه يوميا وبعض الاشخاص يحتاجون الى تقليل اللاكتوز او الجلوتين حسب حاله الطبيب ايضا لازم نشتغل على اداره التوتر تمارين الاسترخاء التنفس العميق اليوغا نوم المنتظم الكافي والابتعاد عن الضغط النفسي الزايد وقت الامتحانات او العمل ممارسه الرياضه ايضا يعني تمارين خفيفه مثل المشي او ركوب الدراجه راح تساعد حركه الامعاء ايضا راح تساعد على تقليل الانتفاخات والتشنجات ممكن نستخدم الادويه اذا احتاجينا بس اكيد الطبيب راح يوصف هاي الادويه حتى يخفف الالم ويحرك حركه الامعاء او تقليل الغازات يتم اختيار التوا حسب نوع الاعراض اذا كانت امساك اسهال او الاثنين سويه حاولوا دائما يا شباب تسجلون يوميات الطعام حتى تعرفون شنو الاطعمه المسببه لهاي الاعراض تجنب الاكلات السريعه وتجنب الاكل بسرعه كبيره او مضغط الطعام بشكل سيء نقسم الوجبات على مدار اليوم حتى نتجنب الضغط على القولون وننت لمؤشرات الجسم الالم المتكرر بعد اكله معينه يعني لازم نتجنب هاي الاكله بشكل مؤقت موضوعنا اليوم مهم لكل النساء خصوصا المراهقات والشابات اللي عندهم تكيس المبايض واللي هو واحد من اكثر المشاكل الهرمونيه اللي تصيب النساء بسن الانجاب تكيس المبايض مو مجرد تكيسات صغيره بالمبايض هو خلل الهرموني يسبب مشاكل بالدوره زياده هرمون الذكوره واحيانا سمنه وحب الشباب وصعوبه بالانجاب اذا ما تعالج اول نصيحه ناخذها اليوم لمرضى التكيس المبايض هي تنظيم الغذاء التغذيه تلعب دور كلش كبير لمساعده الجسم على تنظيم الهرمونات ومن اهم النقاط هي تقليل السكريات والدهون الحلويات والمشروبات الغازيه وتزيد مقاومه الانسولين وهذا يفاقم التكيس زياده الخض الذراوات والفواكه اللي تحتوي على الياف تساعد الجسم على تنظيم السكر بالدم اكل البروتين الصحي اللحوم قليله الدهون والمكسرات وجبات صغيره ومنتظمه تقسيم الوجبات على مدار اليوم راح يقلل من التقلبات الكبيره بالسكر والهرمونات ايضا شرب المي الكافي بشكل يومي لان يساعد على التخلص من السموم ويحافظ على نشاط الجسم اما ثاني نصيحه اكيد هي النشاط البدني الرياضه مهمه جدا لمريضه تكيز المبايض لانها تساعد على تقليل الوزن الحفاظ عليه وتحسين حساسيه الجسم للانسولين تقليل الهرمونات الذكوريه الزايده وتحسين المزاج والنوم نقدر ناخذ تمارين مناسبه مثل مشي سريع ركض خفيف لمده 30 دقيقه بشكل يومي تمارين قوه مثل الضغط او البطن لمده ثلاثه الى اثنين مرات بالاسبوع يوجا تمارين اطاله كلها تساعد على تخفيف التوتر اما ثالث نصيحه فهي متابعه دوريه للهرمونات تابعوا الدوره الشهريه اي تاخر مستمر او نزيف مو طبيعي لازم تراجعون طبيبكم المختص تحليل هرمونات مثل الل اتش الاف اس التستوستيرون سكر الدم والانسولين حسب توجيه الطبيب ايضا المراجعه الدوريه راح تساعد الطبيب يحدد العلاج المناسب سواء ح*بو-ب تنظيم الدوره ادويه تقليل هرمونات الذكوره او ادويه تحسين التبويض اما رابعا فهي العنايه بالبشره والشعر حب الشباب او الشعر الزايد هي نتيجه لزياده هرمونات الذكوره بس العلاج يكون شامل الدوا ونمط الحياه استخدمي منتجات لطيفه للبشره والشعر وتجنبي المواد الكيمياويه القاسيه تنظيف البشره مرتين يوميا واستخدام واقي شمس حتى نتجنب تفاقم حب الشباب او التصبغات واكيد النصيحه الخامسه ما ننسى الدعم النفسي تكيس المبايض ممكن يسبب ضغط نفسي احباط من شكل الجسم او قلق بشان الانجاب راح ناخذ نصائح حتى نتعامل مع الضغط النفسي واللي بدايتها انه تتحدثين مع صديقه او احد من افراد العائله عن مشاعرك مارسي هواياتك اللي تحبيها حتى تخففين التوتر مارسي تمارين الاسترخاء واليوغا واذا الحاجه كانت ملحه شوفي مختص نفسي يساعدك بهاي الامور دائما بالنهايه نحب نذكر انه احنا اول نصيحه ننطيها لمرضى تكيس المبايض او البي سي او اس هي تغيير نمط الحياه اكل صحي ممارسه الرياضه راح تفرق بشكل كلش كبير على الحاله بشكل عام موضوعنا اليوم يهم كل شخص يقضي وقت كلش طويل قاعد خصوصا الطلاب الموظفين او اي شخص يشتغل على الكمبيوتر او المكتب لساعات طويله موضوعنا هو عن مشاكل العمود الفقري اللي تصير بسبب الجلوس الطويل والعمل المكتبي واللي هوايه من الناس ما ينطوها اهتمام الا لما يبدا يصير عندهم الام شديده او مضاعفات خلينا نعرف شنو يصير بالعمود الفقري بسبب الجلوس الطويل العمود الفقري عباره عن سلسله من الفقرات مفصوله بغضاريف صغيره تتسمى بالدسك لما نقعد لفترات طويله بدون حركه الضغط راح يزيد على هاي الغضاريف العضلات حوالين العمود الفقري راح تبدا تضعف وهذا راح يؤدي الى الام اسفل الظهر شد بالرقبه والاكتاف الام بين الكتفين صداع بسبب توتر الرقبه خدر وتنميل بالايدين احيانا اذا تاثر العصب ممكن تصاحبها هاي الاعراض اللي ذكرناها اما اسباب المشكله فهي الوضعيه السيئه اثناء الجلوس الانحناء للامام او تنزيل الراس للامام اثناء استخدام الكمبيوتر او الهاتف عدم الحركه والجلوس لساعات طويله بدون فواصل للحركه او التمطيض الكرسي ممكن يكون غير مناسب لانه كرسي منخفض او مرتفع جدا او بدون دعم للظهر نقص القوه العضليه ايضا يعني ضعف عضلات البطن والظهر اكيد يزيد الضغط على العمود الفقري بعض العادات اليوميه الخاطئه مثل حمل شنط ثقيله على الكتف النوم بوضعيه خاطئه او استخدام الهاتف قبل النوم اما الاعراض اللي تنبهك فهي الم باسفل الظهر بعد الجلوس الطويل تصلب الرقبه والكتفين بالصباح خدر او تلميذ بالايدين وضعف العضلات وصعوبه بالانحناء او القيام بعد الجلوس الطوي اذا تجاهلنا هاي الاعراض فممكن تتطور الى مشاكل اكثر خطوره مثل الدسك او ضغط الاعصاب وهذا راح يحتاج الى علاج طبي ولربما عمليه زين شلون نوقي نفسنا ونتجنب هاي المشاكل اذا كان شغلنا طويل الجلوس بالبدايه تصحيح وضعيه الجلوس ظهرك يكون مستقيم الكتفين تكون مرتاحه القدمين على الارض او على مسند شاشه الكمبيوتر على مستوى العين والكتفين وتكون مسترخيتين ونحاول نسوي تمارين بسيطه اثناء العمل يعني كل ساعه نحاول نتحرك نقوم لمده ثلاث دقائق تمارين شد الرقبه والكتفين تدوير الكتفين رفع الايدين للاعلى تمارين تمدد اسفل الظهر كل هاي الامور راح تساعدنا على استراحه العضلات واستراحه الفقرات تمارين يوميه حتى نقوي العضلات تمارين البطن والظهر حتى نقوي العمود الفقري مثل اليوغا تمارين اطاله للعمود الفقري والفقرات وايضا المشي او اي نشاط بدني لمده نصف ساعه بشكل يومي نستخدم كرسي وسطح يكون مناسب كرسي يدعم اسفل الظهر المكتب يكون على ارتفاع مناسب ونتجنب الجلوس على السرير او الاريكه لساعات طويله وما ننسى ان نرفع الكمبيوتر على مستوى العين حتى نقلل من ميل الراس للامام نبتعد عن حمل اوزان ثقيله بطريقه خاطئه ونستخدم وساده صغيره حتى ندعم اسفل الظهر عند الحاجه انتهت حلقه اليوم من برنامج بايوتك نتمنى تكونون استفاديتوا واستمتعتوا بمواضيعنا انتظرونا بحلقه جديده ومواضيع حلوه ومهمه وياي انا دكتوره فرح الخياط مع السلامه
